Marlene viert sengen Jeburtsdach on hat vör’d Metticheissen seng drej bester Freundinnen äjeladen. Et hat Kanengsbrod zobereed on die Jäst lovten dat Menu. Esu jet joddes hätten se alt lang net mie op den Telder jehad. On die zos dobej, esu jot jewörzt wör die jewäst. On esu en zart Vleesch – en richtich Delikatesse.
Marlene verzallt hennen du, dat hät de Brod bej de Metzjer va jäjenöver bestalt hat. „On, stellt üch vür, Morjes es die Verkäuferin vam Metzjer met dem Kaneng eröver kon on had vel Jröß bestald; dat Vleech kreech ich vör nüst wenst mengem Jeburtsdach“.
Du ment en van de Vrauwen, dat de Metzjer bestemmt en Ow op hät jeworfen hät. Dat wör ju och enen nette Kerel met enem secheren Verdeenst. Dovan wol Marlene äver nüst wessen, on ment, et wör Zit, den Dech afzerümmen on Kaffee ze drenken.
Die Telderen joven openeng jesat on Marlene saht noch: „Lägd die Knochen zesamen op enen Telder, die se vör meng Katz”. Du veel hem än – de janzen Daach hat hät seng Katz noch net jesehn.
„Möhrchen“, reef hät, „Möhrchen Pss, Pss“. Äver Möhrchen kom net.
Die Vrauwen joffen sich an’d sökken; än all Zemmeren on och debussen än de Jaard jov besehn – äver Möhrchen wor närres opzedriven.
Wie die veer Vrauwen sich eröm änd Stuev trofen, wor die Stimmung net mie esu jot. On du saht noch dat Marianne: „De Morjen, wie ich nohm Bäcker jeng, leev dat Möhrchen över’t Stroß on an die ander Sit bej de Metzjer erän.“
Du ment dat Elvira: „Nu verston ich, wiesu de Brod net bezallt mot jän – ich han ald die janz Zit jement, dat dat Vleesch e besje komisch schmaht – jar net no Kaneng. On dengem Metzjer – dem han ich noch nie esu richtich getrocht“.
„Jo“, saht Martina, „mer bläv or bal jeder Bessen än de Mond stächen; ich han äver nüst jesaht, öm dat Fest net ze verderven. On vörich Woch han ich dem Möhrchen noch över’t Püetchen jestrechen. On dat Püetchen….Ich jlöven, mer han dat Möhrchen högd de Mettich verspeist“.
Do wör dat arm Marlene vör lauter Schreck ömjekippt wa net engt hem jeng jet Kölsch Wasser önder’t Nas jehalden hät.
„Nee“, saht hät, „dat ka net stemmen, esu jät wör mengen Metzjer nie machen. Den es eluter esu fröndlich on jet mer jedes Kier e Stöckchen Wuescht vör meng Katz“.
Du kloppt et an’d Dür.
Martina jeng opmachen. Debussen ston die Verkäuferin vam Metzjer mät ner Teisch än den Arm on vroht, op dat Kaneng jot jewest wör on op dat Marlene seng Katz net vermest.
Du jov Martina äver bües: „Dat es ju wahl die Höhe! Wie kon de Metzjer dat machen? On der arbeed och noch bej dat Monster!”.
Die Verkäuferin verston net, wat los wor. “Sed der net zefreden met dem Brod jewest? Oder wiesu jen ich hej esu onvröndlich empfangen?“
Du soch hät, dat Marlene zesamen jeknickt op de Stohl soss met Trienen änd Ojen on bejräf: „Ich wol Marlene nömme sahn, dat hät besser op seng Katz obpassen soll. Die hat sich de Morjen än osen Kelder jeschlächen on hat do e paar Stöcker Läver verputzt. Hej, än die Teisch setzt se met nem decken Buch“.
Marlene kon sich net fassen vör lauter Vröscht, hold die Katz us der Teisch on dröckt se vast a sich.
Wie die Verkäuferin jo wol, vroht se noch: „Na, wor dat Kaneng da lecker?“
„Jo“ saht Marlene al stotteres, „sach dem Metzjer, dat et extra jot on sier zart wor“.
„On hat et de Jästen dan och jeschmaat?“ wol die Verkäuferin noch wessen.
„Jo“, kom et wie us enem Mond. „Esu ne jodden Kanengsbrod ha mer noch nie jeissen“.
Karin Heinrichs, Rocherath