On de sechzijer Jore juf et bi os on der Eefel en jruß Nöjerung om Heizsystem: et jufen o vill Houser Zentralheizungen ojebocht. Sier döck jufen di äwwer net mot Masutt jestocht, sondern mot Hoolz. Di meest Lögd hatte jo dumols noch e Stöck Bösch un wore jewent, sich mot Hoolz ze versorje. Esu luch et noh, e jrußen Hoolzowwen om Keller opstellen ze losse, dän dan en sier jemütlich Hezt om janzen Hous verbreedt.
Di meest Fraue woren dumols hej on der Jäjend noch doheem beschäftigt. Si brochte net uswärts arbeten ze jo für sich sälwer ze verwirkliche, wäl si doheem satt un jenuch ze dun hatte mot Houshalt, Konner, Jard , un sier döck och noch mot allerhand Arbeten on där klener Landwirtschaft. Si konten also, wäl si jo esuwisu doheem wore, dat Füer om Heizungsowwen och one Problemer üwwerwaachen un om Jang hale.
Kättche senge Maan wor de janzen Daach op der Arbet, un wenn hän owends heem kum, jufe noch di paar Küh jemoleke, di jo dumols bal jiderene sich hul. Jupp wor da logter fru, wenn hän sich owends nidersetze kon un seng Ruh hat.
Äwwer eenes Owends wi hän heem kum, mutt Kättchen him riezu jätt verzälle.
Hott soolt dän Daach on d‘ Nobichdoref op e Bejräfnis fahre. Esu mutt hott sich ald jät zaue für frü jenuch ferdig ze jän. Hott mutt ömmer noch d‘ Kalwer dränke wä Jupp ald fort wor; esu wor et och dän Daach.
No der Stalarbet wor hott flott on d‘ Badewann jesprongen un hat sich jewäsche. On der Ejl hat hott äwwer ken fresch Kleder mottjeholt. Wäl d‘ Housdüer äwwer zujeschloße wor, luf hott jäng om Evaskostüm durech de Flur un wol no‘m Specher für sich aanzedun. Önerwächs ful him on, dat hott jo och noch den Heizungsowwe stoche mutt. Für et net ze verjäße luf hott, wi hot wor, on de Keller un stopt den Owwe vol.
Do huurt hott op een Kier d‘ Kellerdür jon. Et juf him kaalt un warem, wäl et ful him op eenkier on, dat de Pastur, dän on der Noberschaft wahnt, jewönlich seng Melichkann on der Melichköche vür om Keller afstaalt, für di voljemaat ze kreje.Om allerletzte Moment puk hott et noch, mott e paar jrußer Sätz di Kellertrapp erop ze rennen un di Dür zuzeklatschen ijt den Här om Keller optaucht.
Wi hott Jupp dat verzaalt, suß dä Schreck him noch logter on de Jlider, un hott frot Jupp: „Wat hätt ech wal jemaat, wenn den Här jätt flotter ero wör kun un mech do pudelnackich jesin hätt?“
Durich esujätt wor Jupp äwwer net us senger verdinter Ruh ze bränge. Hän hatt wal och hemlich Spass an där Jeschicht fonne,un esu meent hä janz dröj: „Mo Kättche, dat wör doch janz einfach jewest: du wörs da jäng op den Hoolzhoof jesprongen un hätts ‚miau‘ jerufe!“
Rita Reuter-Gillessen, Herresbach