Us der Burerej va fröher (ZVS 2006-04)

Fröher juff d’Burerej janz annesch bedrivven wie högtzedachs. Dat kom doher, well die Betrieber vill zahlrecher on folglech vill klienger on net esu modern woren. Die technik wor noch oon d’Konnerschuhn on de Zugkraft juff van den Ohßen, va Kühen odder van de Pärden bestridden. De Stiftendrescher, de Fochwaan on d’Häckselmaschin betätigt mer mot Muskelkraft; on dat wor sier astrengend. Och all de anner Arbeten woren Handarbeten. Esu woren die Buren on hürr Vrauen de jazen Daach, Summer wie Wonter voll beschäftigt, de Wonter oon de Staal on oon d’Schüer, de Summer oon d’Feld. Jo, d’Arbet jung hünnen net op. Die ischt Arbeten oon d’Fröhjohr woren Most on Puddel fahren. Die Mesten woren de Wonter zemmlich jruwß jähn on bie verschiede Buren luf d’Puddelskowl och ald üvver on de Puddel luf de Wääch eraf. op d’Puddelkowl stonn meestens en Höjschen mot em Herz oon d’Dürr. Dat wor de Plmsklo. Aan de Raand stonn d’Puddelpomp, natürlich mot Handbetrieb. Wenn mer de janzen Daach dä Pompeschwengel betätigt hat, da spurt mer owends seng Armen. Et kom evver och als es vürr, dat de Pomp sech verstoppt. et wor jo net nömme Puddle oon der Kowl on Zeitungspapier – Toilettepapier wor noch net esu bekant – lüjst sech net esu flott op. Da mot die Pomp natürlich eröm betriebsfähig jemat jähn, on dat wor en zemlech onanjenehm Prozedur.
Esu os et och Pitter erjangen. Hän hat als en etlech Faßer Puddel jefahren on wor eröm fleißig aan d’pompen. evver op iengkier wor Schluss, et kom nöjst mie. Weil hän net mot den Hännen oon de Bröht röhre wolt, mot hän sech no em jeeigneten Instrument ömsien vür de Saach ze beriengijen. Hän on Christin hatten als all Kesten on Kasten oon de Schopp durichsoht, evver verjebens. Op iengkier kum Pitter us der Köchen on rief: „Komm, Christin, ech han ald jett!“, on schrömt no der Pomp. Do dutt Christin e Kreesch: „Nee, Pitter, du Schweeng, du wirs evver wall net den Zoppeläffel dovür brochen?“ Du mängt Pitter: „Dat soll noch wall net recht jut seen dorvür!“ on juff de Lâffelall Knurres af. Nu bluff him nöjst aneschters üverig als wie d’Hemdsärmel eropzekrempele on de Sch…papier mot de Fönger eruszekropen.