Des Jor es et ald eröm esu wegd: Afang Oktober jet en all beljisch Jemeenden nöj jewählt.
Bes vör e paar Jor wor dat baal överall esu, dat sich nömmen Mannslögt opstellen leeßen. Wie sich die iecht Vrauw hej en Ostbeljien zer Wahl stalt, wor dat alt en kleen Sensatiun.
Bes dohen hatten die Vrauwen nömmen eng Kier d’Jor jet ze saan änd Jemeendshus, on dat wor de Möhnendonnichtisch, wann die Bürjermesteren mie oder wenijer freiwillich de Schlössel erus röckten on de Vrouwen met Dröpcher on Äppelschnaps opwarden motten.
Vör sechs Jor soch die Saach alt janz anisch us: dumols mott op jeder Lest een Dreschtel van de Kandidaten dem anderen Jeschlecht ajehüren – wat äver och heescht, dat et ken reen Vrauwenlest jän duescht.
Des Kier es die Rejelung noch jet anisch: diejenijen, die en Lest opstellen wollen, se jesetzlich verflicht, se half met Mannslögt on half met Vrauwen ze besetzen.
Dat stellt vel Politiker vör e Problem: vel Män, die Zit on Interesse hätten, ze kandideren, konnen net mie met op d’Lesten jon. On et es jar net esu einfach, jenoch Vrauwen ze vännen, die metmachen wollen. Vel Vrouwen han heren Berof, dobej zen d’Kender, de Mann on den Hushalt ze versorjen. On ab on zo sen se och vrueh, noch e paar Stonnen ze han, wu se enem Hobbie nokonnen jon.
Besonnich die läst Wochen vör en Wahl se met vel Arbeed vör die Kandidaten verbonnen: et mossen Prospekter verdeld on Plakater opjehangen jän. Ä baal jeder Dorf jän Versammlungen afjehalden, wu de Lögden verzallt jet, wat no der Wahl alles jedon jet – dat heescht, wannie mer dat Jlöck hat, änd Mehrheed ze kon.
Ene jruesen Onderscheed zo de Wahlen va vör zwanzisch Jor es och, dat net mie op Papier jewählt jet. Dat jet högt alles met dem Computer jemaht, on kurt nodem, dat die Wahllokaler jeschlossen jän, sen die iescht Resultater ald bekannt.
Vel alder Lögd han et net esu liet, sich met dem Computer zereht ze vännen – äver esu schwor es dat ejentlich net. On vör and Wahl ka mer nom Jemeendshus jon on sich do zejen lässen, wie dat funktionneert.
Op jede Val ka mer op de Computer eluter nömmen en Lest op de Bildscherm sehn on esu kann et net mie jon wie vör etlich Jor, wie en alder Möhnchen us der Kabin kom on saht: „Ich wost net richtich, wen ich op al die Lesten akrüzen sollt – davür han ich bej jedereen ene ruede Ponkt jemaaht.“
Zem Schluss wönschen mer all de Kandidaten, die des Jor met dobej sen, dat et hennen net jeet wie et Pitter vör vel Joren jangen hat:
En een van den Eefeler Jemeenden, noch lang vör and Fusiun, hat hen sich als Kandidat jemeld. Nu wor hen ene Kerel, den ieschtens net al ze lues wor äver och net sier beleevd wor änd Noberschaft on änd Dorp.
Daars no der Wahl, wie die Zäddelen esu lasemisch usjezalt worten on än de Radio verkönicht jov, wievel Stemmen jedereen krejen hat, jov et be Pitter dehem e jrues Jeschrej.
Op al die Wahlzäddelen wor he nömmen een engsisch Kier ajekrüzt, on dat wor die Stem, die hen sich sälever jän hat. Sujar seng ejen Vrouw on och seng Kender hatten hen net jewählt.
Do ka mer jot verston, dat den Hussäjen e paar Daar bachtisch scheef jehangen hat.
Karin Heinrichs, Rocherath